Charter Document - 06710035
| Charter Number: | 06710035 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1225 |
| Date type: | Assigned |
| Resource Link(s): |
British Library - Harley MS 6670 (f29v) People of Medieval Scotland |
Charter:
Omnibus Sancte Matris Ecclesie filiis et fidelibus ad quos presens scriptum peruenerit Willelmus filius Patricii de Hersill salutem Nouerit vniuersitas vestra me concessisse et hac presenti carta confirmasse Deo et Sancte Marie et conuentui de Caldstrem ibidem Deo et Sancte Marie seruienti totam communem pasturam de Thornidiche ad xl equas et earum sequelas donec earum sequele ad etatem trium annorum peruenerint et ad octoginta animalia et ad octoginta porcos et ad ducentas oves Ita quod oues preter predictam pasturam gaudebunt communi aisiamento et pastura de Gordun quatenus attingere possunt Si autem predicta animalia vel porci terminos predicte pasture de Thornidiche versus pasturam de Gordun forte excesserint inde nulla exaccio exigetur Optentu autem predictorum porcorum omnium in terra sua nullum stachium faciet predictus conuentus Predictam uero pasturam et asiamentum predicto conuentui vt premissum est confirmaui pro salute anime mee et omnium antecessorum et successorum meorum tenendam et possidendam inperpetuum de me et heredibus meis in puram et perpetuam et liberam elemosinam libere quiete pacifice plenarie et honorifice ab omne exaccione et demanda et seculari seruicio sicut carta Thome de Gordun confirmat et testatur et sicut aliqua elemosina liberius plenius et quiecius in toto regno Scocie tenetur et possidetur Hiis testibus Domino Comite P Patricio filio eius H archidiacono de Dunkelden J de Letham W de Hetun Adam de Gordun Adam de Faunes Adam clerico et mvltis aliis