Charter Document - 06710034
| Charter Number: | 06710034 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1286 |
| Date type: | Assigned |
| Resource Link(s): |
British Library - Harley MS 6670 (f28r) People of Medieval Scotland |
Charter:
Sciant omnes tam presentes quam futuri quod ego Walterus capellanus dedi concessi et hac carta confirmaui Deo et ecclesie Sancte Marie de Caldstrem et sanctimonialibus ibidem Deo seruientibus et inperpetuum seruituris vnum toftum et croftum infra villam de Dercestria ex parte orientali vie que vocatur Cakewellegat ad vnam petanciam faciendam dictis monialibus in crastino Sancti Laurencii martiris pro anima Matilde matris mee et pro salute anime mee et antecessorum et successorum meorum in liberam puram et perpetuam elemosina cum communi pastura ville de Dercestyr et omnibus alijs communibus asyamentis ad dictos toftum et croftum infra villam et extra pertinentibus Dedi eciam eisdem monialibus ex consensu et voluntate Walteri filii Swardy patris mei vnam acram terre et dimidiam jacentes super Coteflatte ex parte orientali terre ad frece in puram et perpetuam elemosinam Tenendas et habendas dictis monialibus de me et heredibus meis adeo libere quiete bene et honorifice sicut aliqua elemosina liberius quiecius et honorificencius infra comitatum de Dunbar ab aliquo tenetur vel possedetur Ego uero Walterus et heredes mei dictos toftum et croftum et dictam acram terre et dimidiam cum omnibus supradictis et pertinenciis suis dictis monialibus contra omnes homines et feminas warantizabimus acquietabimus et inperpetuum defendemus Vt hec mea donacio concessio et carte mee confirmacio rata et stabilis permaneat huic carte mee sigillum meum est appensum hiis testibus Domino Patricio filio Domini P Comitis de Dunbar Domino Patricio filio Walteri Domino Johanne de Letham Waltero filio militia Andrea seruiente et aliis