Charter Document - 06710033
| Charter Number: | 06710033 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1240 - 1250 |
| Date type: | Assigned |
| Resource Link(s): |
People of Medieval Scotland |
Charter:
Sciant tam presentes quam future quod ego Alanus filius Thome de Dercestyr dedi et concessi et presenti carta mea confirmaui Domino Waltero capellano filio Walteri filio Swardy unam acram terre in villa de Dercestyr jacentem iuxta viam que vocatur Cakewellegat ex parte orientali cum omnibus pertinencijs et aysiamentis et libertatibus suis tam infra villam quam extra sine aliquo retenemento Tenendam et habendam cum omnibus pertinencijs suis predicto Domino Waltero et heredibus suis vel suis assignatis de me et heredibus meis libere quiete plene pacifice et honorifice in omnibus Reddendo inde annuatim mihi et heredibus meis tum modo vnum denarium vel vnum par chirothecarum ad festum Sancti Jacobi apostoli nomine feode firme pro omni seruicio consuetudine exaccione seculari et demanda que de dicta acra terre aliquo modo exigi poterunt Ego uero Alanus et heredes mei dictam acram terre cum omnibus pertinenciis et libertatibus suis predicto Domino Waltero et heredibus suis vel suis assignatis contra omnes homines et feminas warantizabimus et defendemus in perpetuum Vt autem hec mea donacio concessio et presentis carte confirmacio rata et stabilis permaneat sigillum meum huic carte est appensum hiis testibus Patricio filio Walteri Domino Johanne Gray tunc senescallo Domini P Comitis Waltero de Dercestyr Alano de Edmerisden Andrea seruiente et aliis