Charter Document - 06710029
| Charter Number: | 06710029 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1232 |
| Date type: | Assigned |
| Resource Link(s): |
British Library - Harley MS 6670 (f22r) People of Medieval Scotland |
Charter:
Uniuersis Sancte Matris Ecclesie filiis et fidelibus has litteras visuris vel audituris Patricius filius comitis Patricii de Dunbar salutem in Domino Nouerit uniuersitas vestra me diuine pietatis intuitu concessisse et hac presenti carta mea confirmasse Deo et ecclesie beate Marie de Caldstrem et sanctimonialibus ibidem Deo seruientibus totam terram de Selburleche quam Alanus filius Thome habuit per easdem rectas diuisas et quas dictus Alanus eandem terram tenuit et possedit ex dono patris mei Et in augmentum illius terre concedo et confirmo eis totam pasturam a capite de Whielhope extra siluam ex transuerso vsque ad vallem descendentem inter Ffarniley et Strikesley descendentem in Riuulum de Crumbesyde et sic per illum Riuulum ascendendo inter Crumbessyde et Sengedowa vsque ad diuisas inter dominum comitem patrem [meum] et Willelmum de Vepunt Tenendam eis de domino patre meo et heredibus suis in puram et perpetuam elemosinam ita libere quiete et honorifice sicut carta domini patris [mei] protestatur et proportat Hiis testibus Domino Willelmo fratre meo Bernardo Ferser Adam de Pollevrch Rogero de Merlay T de Gordun Johanne de Lethame Johanne filio Waldeui Willelmo de Boltevy et multis aliis