Charter Document - 06710026
| Charter Number: | 06710026 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1171 - 1182 |
| Date type: | Assigned |
| Resource Link(s): |
People of Medieval Scotland |
Charter:
Comes Waldeuus omnibus probis hominibus suis et amicis et omnibus in Christo dilectis salutem Notum sit omnibus presentibus pariter et futuris post datam a patre meo comite Cospatricio dimidiam partem ecclesie de Llaynall sanctimonialibus de Caldstrem quam ego concessi et hac mea carta presenti confirmaui me integre dedisse et hac carta presenti confirmasse aliam dimidietatem ecclesie eiusdem de Laynal eisdem sanctimonialibus de Caldstrem post decessum institute persone Preterea eisdem monialibus et presenti carta mea confirmo Witechestre per rectas diuisas suas et communam in pasturis meis circumjacentibus quantum [ad] aueria sua propria et unam carucatam terre in territorio de Hersill et ecclesiam eiusdem ville cum omnibus pertinencijs suis quas Derder Comitissa mater mea eis dedit et Cospatricius comes pater meus carta sua confirmauit et totam terram quam Normannus filius Edulfi dedit illis in Laynall per rectas diuisas suas concedo et confirmo pro Dei amore et salute anime mee et omnium antecessorum et successorum meorum in liberam et perpetuam elemosinam ita libere et quiete in perpetuum possidendas sicut aliqua elemosina in regno Scocie liberius et quiecius tenetur et possidetur Hiis testibus abbate Nicolaio de Striuellin et priore Radulfo Patricio fratre comitis R de Merley Patricio filio Adgary Adam de Edynton Henrico clerico nepote abbatis de Striuellin et aliis