Charter Document - 06710025
| Charter Number: | 06710025 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant, Quitclaim |
| Date: | 1241 - 1274 |
| Date type: | Assigned |
| Resource Link(s): |
British Library - Harley MS 6670 (f18v) People of Medieval Scotland |
Charter:
Omnibus Christi fidelibus presentes litteras visuris vel audituris Alexander de Syntun salutem in Domino Nouerit uniuersitas vestra me dedisse concessisse et quietum clamasse et hac presenti carta mea confirmasse pro me et heredibus meis priorisse et conuentui de Caldstrem totam terram de Totheryg per suas rectas diuisas cum omnibus suis pertinencijs libertatibus et aysiamentis ad dictam terram pertinentibus et totum jus quod habui in eadem et suis pertinencijs et ipsos priorissam et conuentum in omnibus premissis meos assignatos fecisse inperpetuum Quam quidem terram habui ex dacione et concessione Domini Aymeri de Makyswell et heredum suorum Tenendam et habendam dictis priorisse et conuentui vel assignatis suis adeo libere quiete plenarie et honorifice sicut carta prime infeudacionis dictis monialibus facta vel carta Domini regis quam super dicta terra scilicet elemosinam habent plenius testatur et preportat Ego vero et heredes mei super omnibus que ab heredibus Domini Aymeri de Makeswell de dicta terra vel suis pertinencijs aliquo modo peti poterunt vel exigi inperpetuum plene respondebimus In cuius rei testimonium presenti scripto sigillum meum apposui testibus Magistro Johanne de Muskilburg tunc temporis officiali archidiaconatus Teuidalie Magistro Nicolayo de Syntun Johanne de Lilliscliue Hugone de Drunsdalle Mauricio capellano Alexandro et Roberto de Caldstrem clericis et multis aliis