Charter Document - 06710022
| Charter Number: | 06710022 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1254 - 1289 |
| Date type: | Assigned |
| Resource Link(s): |
British Library - Harley MS 6670 (f16v) People of Medieval Scotland |
Charter:
Omnibus Christi fidelibus hoc scriptum visuris vell audituris Walterus filius Walteri de Dercestria salutem in Domino Nouerit uniuersitas vestra me concessisse et hac presenti carta mea confirmasse Deo et ecclesie Sancte Marie de Caldstrem et monialibus ibidem Deo seruientibus et inperpetuum seruituris totam donacionem quam eisdem monialibus fecit pater meus videlicet xii acras terre que iacent propinquiores terre me in Huyisheuigh in australi parte et xii acras in Veteri Hersill videlicet vij acras in una cultura et quinque acras in alia cultura ex australi parte pro anima mea et pro animabus antecessorum et successorum meorum et pro participacione beneficiorum que fiunt in monasterio de Caldstrem et inperpetuum fient Tenendam et habendam dictis monialibus de me et heredibus meis dictam terram de me et heredibus meis in puram perpetuam et liberam elemosinam adeo libere quiete plenarie et honorifice sicut aliqua elemosina liberius quiecius et honorificencius alicubi infra comitatum de Dunbar tenetur et possidetur Ego uero Walterus et heredes dictam terram prenominatis monialibus contra omnes homines et feminas warantizabimus defendemus et acquietabimus In cuiis rei testimonium presenti scripto sigillum meum apposui hiis testibus Domino P filio Walteri Domino Roberto de Nesbit militibus Rogero de Hume Gilberto de Tocheryg Waltero firmario Domini Comitis de Hersill et alijs