Charter Document - 06710021
| Charter Number: | 06710021 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1254 |
| Date type: | Assigned |
| Resource Link(s): |
British Library - Harley MS 6670 (f15v) People of Medieval Scotland |
Charter:
Vniuersis Sancte Matris Ecclesie filiis presentibus et futuris has litteras visuris vel audituris Walterus [filius] Domini Thome de Dercestria salutem Noverit uniuersitas vestra me concessu et assensu heredum meorum dedisse concessisse et hac mea presenti carta confirmasse Deo et beate Marie de Caldstrem et sanctimonialibus ibidem Deo seruientibus xii acras terre que iacent propinquiores terre mee in Huyisheuigh in australi parte et xii acras in Veteri Herissill scilicet vii acras in una cultura et quinque acras in alia cultura ex australi parte pro anima mea et pro anima patris mei et pro animabus antecessorum et successorum meorum et pro participacione beneficiorum que in prefata abbacia fiunt uel fient Tenendas de me et heredibus meis in puram et perpetuam elemosinam sicut aliqua elemosina liberius quiecius et decencius tenetur uel possidetur hiis testibus Willelmo capellano Domini Comitis Waltero capellano de Laynal Johanne capellano de Hersill Thoma Stafly Domino Mauricio Brun Willelmo filio Thome et Eleseo fratre suo et alijs