Charter Document - 06710016
| Charter Number: | 06710016 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1248 - 1289 |
| Date type: | Assigned |
| Resource Link(s): |
British Library - Harley MS 6670 (f11v) People of Medieval Scotland |
Charter:
Omnibus Christi fidelibus preseus scriptum visuris uel audituris Patricius Comes de Dunbar salutem in Domino sempiternam Nouerit vniuersitas vestra nos diuine pietatis intuitu pro salute anime nostre et pro animabus antecessorum et successorum nostrorum concessisse dedisse et hac presenti carta nostra confirmasse Deo et ecclesie beate Marie de Caldstrem et monialibus ibidem Deo seruientibus et in perpetuum seruituris unam carucatam terre in Haldhirsehyll cum omnibus suis pertinenciis sine aliquo retenemento illam scilicet carucatam quam Walterus dictus capellanus filius Valteri filii Thome militis de Derchestyr de nobis hereditarie tenuit et quam dictus Walterus nobis pro defectu seruicii de eadem terra nobis debiti in plena curia nostra pro se et heredibus suis per fustum et baculum sursum redidit resignauit et omnino quietum clamauit Tenendam et habendam dictis monialibus et successoribus suis de nobis et heredibus [nostris] totam dictam terram in moris maresiis pratis pascuis pasturis molendinis cum omnibus suis pertinenciis libertatibus et aysiamentis omnimodis In liberam puram et perpetuam elemosinam inperpetuum adeo libere quiete plenarie et honorifice sicut aliqua elemosina liberius quiecius plenius et honorificencius alicubi in toto regno Scocie ab aliquo tenetur seu possidetur Nos uero et heredes nostri totam predictam terram cum omnibus supradictis prenominatis monialibus contra omnes homines et feminas warantizabimus acquietabimus et defendemus in perpetuum In cuius rei testimonium presenti scripto Sigillum nostrum apposuimus hiis testibus Domino Patricio filio nostro Dominis Johanne et Alexandro filiis nostris Domino Alano de Hormistun Domino Gilberto de Howle Thoma Papedy Petro de Gordon et aliis