Charter Document - 06710013
| Charter Number: | 06710013 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1273 |
| Date type: | Assigned |
| Resource Link(s): |
British Library - Harley MS 6670 (f9v) People of Medieval Scotland |
Charter:
Omnibus [has] literas visuris vel audituris Mariota Domina de Hume quondam sponsa Domini Patricii Edeger salutem in Domino sempiternam Nouerit vniuersitas [vestra] me in legitima viduitate mea dedisse concessisse et quietum clamasse totum jus meum quod habui vel habere potui infra villam de Laynall et extra scilicet de Lenorthtun cum omnibus pertinenciis et dictam villam pertinentibus vel spectare valentibus Deo et beate Marie de Caldstrem et monialibus ibidem Deo seruientibus et in perpetuum seruituris adeo libere et quiete sicut aliqua vidua in regno Scocie in sua viduitate possit concedere sine dare pro quadam summa pecunie mihi in mea vrgenti necessitate soluta In cuius rei testimonium huic presenti scripto sigillum meum est appensum Hiis testibus Domino Villelmo vicario de Assinden tunc magistro de Caldstrem Villelmo Franke de Petcokyr Malcolmo de Haukyrstun Villelmo de Ardros cappellano Toma de Derchester Alano Vyte de Derchester et aliis