Charter Document - 06710012
| Charter Number: | 06710012 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1273 |
| Date type: | Internal, A.D., Feast |
| Resource Link(s): |
British Library - Harley MS 6670 (f8v) People of Medieval Scotland |
Charter:
Omnibus hoc scriptum visuris vel audituris Patricius filius Walteri dictus Edger eternam in Domino salutem Nouerit uniuersitas vestra me pro me et heredibus meis firmiter teneri et fide media obligari magistro priorisse et conuentui de Caldstrem ad quietum clamandum et omnino resignandum per fustum et baculum totum jus meum de terra mea de Laynall cum omnibus pertinenciis suis sine aliquo retene mento cum omnibus hominibus meis Domino meo Patricio Comiti de Dunbar ad infeodandum moniales de Caldstrem quemcunque magistro et monialibus placuerit quod nisi fecero subicio me et heredes meos jurisdiccioni dominorum episcoporum Sancti Andree et Glasguensis et eorum officialium archidiaconum et diaconorum qui pro tempore fuerint quorum unus vel duo de predictis quemcunque vel quoscunque magister priorissa et conuentus eligere voluerint possit vel possint nos compellere quam licuit quum cohercitione voluerint vel voluerit propter fidei dacionem ad dictam resignacionem et quietam clamacionem dicto comiti faciendum vbicunque dicti magister priorissa et conuentus voluerint tam infra curiam dicti comitis quam extra omni cauillacione excepcione dilacione et appellatione postpositis Renunciando in hac parte omni juris remedio et auxilio canonici vel ciuili et omnibus priuilegiis indultis et indulgendus cruce signatis et aliis omnibus que contra presens scriptum aliquo modo obici possunt et que mihi Patricio vel heredibus meis possint prodesse et dictis magistro priorisse et conuentui obesse In cuius rei testimonium in presencia virorum multorum fide dignorum presentibus literis Sigillum meum apposui Data apud Caldstrem die veneris proxima post festum Sancti Dyonisii anno gracie MCC septuagesimo tercio