Charter Document - 06710009
| Charter Number: | 06710009 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1248 - 1270 |
| Date type: | Assigned |
| Resource Link(s): |
British Library - Harley MS 6670 (f6v) People of Medieval Scotland |
Charter:
Omnibus Christi fidelibus presentes literas visuris vel audituris Patricius Comes de Dunbar eternam in Domino salutem Nouerit uniuersitas vestra me diuine pietatis intuitu et pro salute anime me et Cecille sponse mee et pro animabus antecessorum et successorum meorum dedisse concessisse et hac presenti carta mea confirmasse Deo et ecclesie beate Marie de Caldstrem et monialibus ibidem Deo seruientibus et inperpetuum seruituris totam terram meam in villa de Laynal silicet le Suthtun de Laynal cum omnibus pertinenciis suis libertatibus et aysiamentis et omnibus aliis ad dictam terram pertinentibus tam infra villam quam extra scilicet in moris marisiis in pratis et pascuis in aquis et stangnis in viis et semitis in piscariis et molendinis sine aliqua retencione substraccione vel diminucione in liberam puram et perpetuam elemosinam inperpetuum tenendam et habendam dictis monialibus de me et heredibus meis adeo libere quiete plenarie et honorifice sicut aliqua elemosina liberius quiecius plenarius et honorificencius alicubi in toto regno Scocie ab aliquo tenetur et possidetur Ego uero Patricius et heredes mei dictam terram scilicet de le Suthtun de Laynall cum omnibus supradictis predictis monialibus contra omnes homines et feminas warantizabimus acquietabimus et inperpetuum defendemus in cuius rei testimonium huic presenti scripto sigillum meum apposui hiis testibus Domino Roberto de Kokeburn Domino Roberto de Hellum Domino Patricio filio Walteri Domino Johanne de Letham militibus Domino Johanne persona de Haldehamstoc Domino Patricio persona de Chirnsyd Philippo de Haliburtun Toma Papedy Waltero de Derchestyr et aliis