Charter Document - 06710002
| Charter Number: | 06710002 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1248 - 1289 |
| Date type: | Assigned |
| Resource Link(s): |
British Library - Harley MS 6670 (f2r) People of Medieval Scotland |
Charter:
Omnibus Christi fidelibus presens scriptum visuris uel audituris Patricius Comes de Dunbar salutem in Domino Nouerit uniuersitas vestra me dedisse concessisse et hac presenti carta mea confirmasse Deo et ecclesie Sancte Marie de Caldstrem et monialibus ibidem Deo seruientibus et inperpetuum seruituris totam illam terram cum tofto et crofto per suas rectas diuisas quam terram Dominus Alanus cappellanus filius Gileberti de Halsigton tenuit in villa de Laynal et in territorio eiusdam ville cum omnibus pertinenciis suis libertatibus et communibus aysiamentis ad [dictam] villam pertinentibus in liberam purum et perpetuam elemosinam inperpetuum tenendam et habendam de me et heredibus meis dictis monialibus libere quiete et honorifice sicut aliqua elemosina alicubi in toto regno Scocie liberius quiecius plenius et plenarius ac honorificencius tenetur et possidetur Ego uero Patricius et heredes mei dictam terram cum omnibus supradictis predictis monialibus contra omnes homines warantizabimus et aquietabimus ac defendemus In cuius rei testimonium presenti scripto sigillum meum apposui Hiis testibus Domino Patricio filio Domino Alano de Hormistun Domino Johanne de Letame Domino Johanne Gray Domino Gamel cappellano Domino Patricio de le Moctun rectore ecclesie de Chirnsyde Philippo de Halyburtun Adam de Gordun Villelmo de Hume Roberto de Hellim cum multis aliis