Charter Document - 06710001
| Charter Number: | 06710001 |
|---|---|
| Cartulary Title: | Chartulary of the Cistercian Priory of Coldstream with relative documents |
| Charter Language: | Latin |
| Charter Origin: | Lay |
| Charter Type(s): | Grant, Confirmation |
| Date: | 1273 - 1289 |
| Date type: | Assigned |
| Resource Link(s): |
British Library - Harley MS 6670 (f1r) People of Medieval Scotland |
Charter:
Omnibus Christi fidelibus presentes litteras visuris uel audituris Patricius Comes de Dunbar eternam in Domino salutem Nouerit uniuersitas vestra nos diuine pietatis intuitu et pro salute anime nostre et Cecille sponse nostre et pro animabus antecessorum et successorum nostrorum dedisse concessisse et hac presenti carta nostra confirmasse Deo et ecclesie beate Marie de Caldestrem et monialibus ibidem Deo seruientibus et inperpetuum seruituris totam terram in villa et in territorio de Laynal iacentem sine aliquo retenemento que fuit quondam Domini Patricii Edger militis cum hominibus suis et sequela et bonis eorum et omnibus pertinenciis suis quam quidem terram dictus Patricius Edger miles nobis pro defectu seruicii de eadem terra nobis debiti per fustum et baculum in plena curia reddidit et resignauit et totum que suum quod habuit vel habere potuit in eadem terra et pertinenciis suis pro se et heredibus suis nobis quietum clamauit inperpetuum tenendam et habendam eisdem monialibus et successoribus suis de nobis et heredibus nostris totam dictam [terram] sine aliquo retenemento per suas rectas metas et diuisas tam infra villam quam extra cum hominibus suis et sequela et bouis eorum cum omnibus pertinenciis libertatibus et aysiamentis et omnibus aliis ad dictam [terram] pertinentibus seu pertinere debentibus vel valentibus tam infra villam quam extra scilicet in moris et in marisiis in pratis et pascuis in aquis in stagnis in piscariis et molendinis et omnibus aliis sine aliqua subtraccione vel diminucione in liberam puram et perpetuam elemosinam inperpetuum adeo libere quiete plenarie et honorifice sicut aliqua elemosina liberius quietius plenius et honorificencius alicubi in toto regno Scocie ab aliquo tenetur et possidetur Nos vero et heredes nostri totam dictam terram de Laynal cum omnibus supradicti predictis monialibus et successoribus suis contra omnes homines et feminas warantizabimus aquietabimus et inperpetuum defendemus In cuius rei testimonium presenti scripto sigillum nostrum apposuimus Hiis testibus Dominis Patricio Johanne et Alexandro filiis nostris Dominis Alano de Hormestur Hugone de Gurlay et Johanne Letham militibus Domino Patricio de le Mocstun rectore ecclesie de Scyrneside tunc temporis senescallo nostro Domino Johanne rectore ecclesie de Haldehamstok cum multis aliis