Charter Document - 06701081
| Charter Number: | 06701081 |
|---|---|
| Cartulary Title: | Memorials of St. Edmunds Abbey. Volume 3. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1246 |
| Date type: | Internal, A.D., Calendar |
| Resource Link(s): |
British Library - Cotton MS Claudius A XII (f87r) |
Charter:
Omnibus Christi fidelibus has literas visuris vel audituris Walterus Dei gratis Norwicensis episcopus eternam in Domino salutem Noveritis nos de consensu capituli nostri in ecclesia de Wolpet venerabilibus viris abbati et conventui de sancto Edmundo appropriata vicariam de consensu dictorum abbatis et conventus in hunc modum taxasse videlicet quod vicarius dicte ecclesie qui pro tempore fuerit percipiet omnia ad dictam ecclesiam pertinentia seu undecumque provenientia in decimis majoribus et minoribus et oblationibus libera terra et omnibus aliis ad dictam ecclesiam quocumque modo pertinentibus Salvis supradicti abbati et conventui viginti marcis annuis nomine pensionis a vicario ejusdem ecclesie qui pro tempore fuerit ad duos terminos solvendis videlicet ad unam synodum de Gyppewyco decem marcis et ad aliam synodum decem marcis Sustinebit etiam dictus vicarius omnia onera ejusdem ecclesie episcopalia archidiaconalia et omnia alia debita et consueta Dicti autem abbas et conventus hanc nostram taxationem non obstante aliqua consuetudine prius habita non obstantibus etiam aliquibus instrumentis a quocumque prius habitis et obtentis acceptaverunt et ei expresse consenserunt Salva dictis abbati et conventui futuris temporibus libera presentatione ad dictam vicarium quotienscumque eam vacare contigerit In cujus rei testimonium presenti scripto sigillum nostrum et sigillum capituli nostri fecimus apponi His testibus magistro Laurencio de Somerton magistro Ada de Bromholme domino Johanne de Holcham capellano nostro Willelmo de Pakeham Hugone de Correbrigge Willelmo de Ludham clericis Datum apud Thorp pridie idus Aprilis anno gratie millesimo CC quadragesimo sexto