Charter Document - 06700027
| Charter Number: | 06700027 |
|---|---|
| Cartulary Title: | Memorials of St. Edmunds Abbey [Bury St. Edmunds]. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1234 |
| Date type: | Assigned |
| Resource Link(s): |
|
Charter:
Gregorius episcopus servus servorum Dei dilectis filiis electo et conventui sancti Edmundi ordinis sancti Benedicti Norwicensis dioecesis salutem et apostolicam benedictionem Vestra nobis [devotio] humiliter supplicavit ut cum artius a sede apostolica sit inhibitum ne quis nisi Romanus pontifex vel legatus ipsius infra limites monasterii vestri ab altari ejusdem per unum Romanum miliare distantes potestatem aut jus aliquod valeat vindicare vel missas aut conventum seu synodum aut qualiacunque officia episcopalia exercere nos id ipsum dignaremur districtius prohibere cum locus hujusmodi pleno jure ad nos pertinere noscatur et immediate spectet ad ecclesiam Romanam monasterium supradictum Cum igitur in derogationem privilegiorum ipsius monasterii redundaret que per nos illibata custodiri si capellam fieri contingeret infra limites supradictos et admitterentur alii ad eandem nos indemnitati ejusdem monasterii paterna sollicitudine providentes auctoritate presentium prohibemus ne quis oratorium vel capellam vobis invitis construere audeat infra limites memoratos Nulli ergo omnino hominum hanc paginam nostre inhibitionis infringere vel ei ausu temerario contraire liceat Si quis autem hoc attemptare presumpserit indignationem Omnipotentis Dei et bonorum Petri et Pauli apostolorum se noverit incursurum