Charter Document - 06700015
| Charter Number: | 06700015 |
|---|---|
| Cartulary Title: | Memorials of St. Edmunds Abbey. Volume 3. |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1213 |
| Date type: | Assigned |
| Resource Link(s): |
|
Charter:
Reverendo domino et patri sanctissimo Stephano Dei gratia Cantuariensi archiepiscopo Sancte Romane Ecclesie cardinali et totius Anglie primati H[erbertus] prior sancti Edmundi et conventus ejusdem loci debitam et devotam obedientiam cum salute Noverit paternitas vestra quod nos una cum fratribus nostris universis de pastore domni nostre preferendo tractantes in loco in quo fieri debet electio secundum Deum et canones elegimus virum honestum et approbatum et sufficientem dominum Hugonem de Norwolde unanimi omnium voto et assensu Quo electo nos omnes in eodem loco pro eo et pro electione nostra appellavimus ne quid fieret in prejudicium ejusdem electionis Ea propter dilectum fratrem nostrum magistrum Nicholaum monachum capellanum nostrum cum litteris nostris patentibus eandem appellationem protestantibus ut sub tuitione nostra jam dictam innovet appellationem destinamus Valeat paternitas vestra in Christo