Charter Document - 06690002
| Charter Number: | 06690002 |
|---|---|
| Cartulary Title: | The Chartulary of Cockersand Abbey of the Premonstratensian Order |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1337 |
| Date type: | Internal, Regnal |
| Resource Link(s): |
|
Charter:
Omnibus ad quos presentes littere pervenerint Henricus Comes Lancastrie et Leicestrie Senescallus Anglie salutem in Domino Noveritis nos caritatis intuitu et pro animabus omnium antecessorum et successorum nostrorum concessisse et licenciam specialem dedisse domino Edmundo de Neuyle Militi quod ipse dare possit et concedere dilectis nobis in Christo Abbati et Conventui de Cokershand terciam partem Manerii de Middelton cum pertinenciis que de nobis tenetur Ac eciam predictis Abbati et Conventui quod ipsi predictam terciam partem Manerii predicti cum pertinenciis de dono et feoffamento predicti domini Edmundi recipere possint Habendam et tenendam eisdem Abbati et Conventui et successoribus suis per servicia inde prius debita et consueta imperpetuum faciendo eciam nobis et heredibus nostris viginti solidos nomine relevii quocienscumque dicta Abbatia per mortem cessionem vel alio modo vacare contigerit Non obstante statuto contra Religiosos edito In cujus rei testimonium tam nos predictus Comes sigillum nostrum quam predicti Abbas et Conventus sigillum suum commune huic indenture alternatim apposuimus Datum apud Kenilworth undecimo die Junii anno regni Regis Edwardi tercii a conquestu undecimo