Charter Document - 06670009

Omnibus Christi fidelibus presentes literas visuris vel audi turis Marcus permissione divina Sodorensis episcopus salutem in Domino Cum pium sit oblocutoribus per testimonium veritatis resistere et ora loquentium iniqua obstruere nos igitur appropriationem ecclesiarum Sanctorum Michaelis et Mathaldi in Mannia nostre dyoecesis abbati et monachis de Furnes[i]o per nos ex consensu totius cleri nostri tenore presentium factam confirmatam et ratificatam per nullam compulsionem coactionem factas vel faciendas vel pene timorem ejusdem abbatis quam quam tempore appropriationis custodiam insule Mannie habuisset vel quorumcumque aliorum sed ex mera nostra voluntate et libera ob honorem Dei et beate Virginis et anime nostre meritum et parentum et amicorum nostrorum et specialiter pro anima domini Ricardi pie memorie predecessoris nostri qui in basilica prefati monasterii sepelitur sponte rite et integraliter absque retentione tertie partis predictarum ecclesiarum esse factam in verbo Dei veraciter protestamur In cujus rei testimonium presentibus literis sigillum nostrum apposuimus Datum in abbatia de Russy[n]in crastino Circumcisionis Domini anno Domini MCC nonagesimo nono et consecrationis nostre xxiij