Charter Document - 06670008
| Charter Number: | 06670008 |
|---|---|
| Cartulary Title: | The Coucher Book of Furness Abbey |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1210 - 1217 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus has litteras visuris vel audituris N[icholaus] Dei gratia Sodrensis episcopus salutem gratiam et benedictionem Ad universitatis vestre notitiam volumus per venire nos in reditu nostro de generali concilio suscepisse de manu domini N[icholai] abbatis de Furn[esio] per consensum et assensum totius conventus talia et tanta de testamento domini Michaelis beate memorie antecessoris nostri baculum scilicet pastorale unum anulum aureum unam capam de choro unam albam unam amictam et sandalia vetustam quandam tunicam et dalmaticam ad diaconum mitram unam et chyrothecas item unam casulam stolam et manipulum aliam etiam tunicam et damaticam unum calicem argenti deauratum duo vexilla unum troparium et unam crucem parvam de metallo et duo treforia Ad hujus igitur rei testimonium has litteras nostras patentes fieri fecimus et nostrum sigillum eis apposuimus et eos de omnibus in testamento predicto prenominatis quietos absol vimus nec alicujus modi occasione quicquam aliud ab eis exigemus Hiis testibus priore et subpriore et sacrista et conventu
Source (click image below to view full size)
