Charter Document - 06665003
| Charter Number: | 06665003 |
|---|---|
| Cartulary Title: | The Coucher Book of Furness Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1189 - 1194 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis tam futuris quam presentibus Willelmus de Morevilla salutem Sciatis me concessisse et hac presenti carta mea confirmasse Deo et abbatie Sancte Marie de Furnesio et monachis ibidem Deo servientibus pro salute anime mee et uxoris mee et pro animabus patris et matris mee et predecessorum meorum in puram et perpetuam elemosinam totam pasturam quam pater meus et mater mea eis dederunt scilicet Selessete et Bircwid cum omnibus divisis et terminis et aisiamentis et omnibus libertatibus sicut carte eorum melius et plenius ac liberius protestantur tenendam de me et de heredibus meis libere et quiete ab omni servitio et consuetudine et exactione atque placito reddendo mihi annuatim dimidiam marcam argenti ad festum Sancti Michaelis His testibus domino Jocelino episcopo de Glasgu Reinerio abbate de Mailros Thoma filio Swani Ricardo filio Walthefi Willelmo de Kellet Hugone filio Walthefi et Gilleberto filio ejus Alano de Thirlestan Viviano de Mulinas Alano de Clepham Thoma clerico de Morlund et multis aliis