Charter Document - 06665002
| Charter Number: | 06665002 |
|---|---|
| Cartulary Title: | The Coucher Book of Furness Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1190 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis tam futuris quam presentibus Avicia sponsa Ricardi de Morvilla salutem Notum sit vobis me dedisse et hac presenti mea carta confirmasse concessu heredum meorum Deo et abbathie Sancte Marie de F[urnesio] et monachis ibidem Deo servientibus pro salute anime mee et predecessorum et successorum meorum omnem pasturam de Selesset et de Birkwyth in perpetuam elemosinam tenendam de me et heredibus meis libere et quiete ab omni servitio et consuetudine et exactione atque placito in bosco et plano in pratis et pascuis in aquis et viis et semitis et in omnibus aisiamentis que infra predictas pasturas fieri possunt per istas divisas scilicet a capite de Ingelburgh per cilium de Langhals usque ad spinetum illud quod ascendit contra frontem de Langhals et inde usque ad domum heremite et exinde per Mosedalebech usque ad forestam comitis de Richemu[n]de et sic inde in transversum usque ad Caldekeld super Camp et de Caldekeld usque ad Stanpapan et inde per medium Grenfele usque ad Thueregille et de Thuergille usque in Ribell et de Ribell usque Erdolfgile et inde usque Solberc et de Solbere usque ad capud de Cromboc et inde per semitam de Horton usque ad quatuor frenes que sunt ad capud de Clapedale De bosco igitur de Birkwith predicti monachi ad proprios usus plenarie capient Ego autem et heredes mei warantizabimus predictis monachis predictas pasturas scilicet Seleseth et Birkwith cum predictis terminis et aisiamentis contra omnes homines Pro eadem vero pastura ad quietandam terram meam in Lonesdale de manu Willelmi de Stutivilla in necessitate mea predicti monachi dederunt michi ducentas marcas argenti et preterea predicti monachi dabunt annuatim michi et heredibus meis post me dimidiam marcam argenti scilicet ad festum Sancti Michaelis pro omni servitio Si vero aliquis vicinorum vel aliorum hominum infra terminos predicte pasture intraverit cum averiis suis ego et heredes mei foris facta et omnia placita habebimus Hiis testibus domino Jocellino episcopo de Glascu Rainerio abbate de Melros Clemente capellano []