Charter Document - 06665001
| Charter Number: | 06665001 |
|---|---|
| Cartulary Title: | The Coucher Book of Furness Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1189 - 1190 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus presens scriptum visuris vel audituris Ricardus de Morevilla et Avisia uxor ejus salutem in Domino Notum sit vobis nos dedisse et hac presenti carta nostra confirmasse consensu heredum nostrorum Deo et abbathie Sancte Marie [de] F[urnesio] et monachis ibidem Deo servientibus pro salute animarum nostrarum predecessorum et successorum nostrorum omnem pasturam de Selessete et de Birkwyth in puram liberam et perpetuam elemosinam tenendam de nobis et heredibus nostris libere quiete ab omni servitio consuetudine et exactione atque placito sicut ulla elemosina liberius et quietius teneri potest et haberi in bosco et plano in pratis et pascuis in aquis viis et semitis et in omnibus aisiamentis que infra predictas pasturas subtus terram et supra fieri poterunt et haberi infra divisas subscriptas videlicet a capite de Ingelburgh per cilium de Langhals usque ad spinetum illud quod ascendit contra frontem de Langhals et inde usque ad domum heremite et exinde per Mosedalbeke usque ad forestam comitis Richemundie et sic inde in transversum usque ad Caldekeld super Camp et de Caldekeld usque ad Stanpapan et inde per medium Grenefele usque ad Thueregile et de Thuergile usque in Ribel et de Ribel usque ad Erdoffgile et inde usque Solberhc [et de Solberc] usque ad capud de Crombok et inde per semitam de Horton usque ad quatuor frenes que sunt ad capud de Clapedale Nos vero et heredes nostri predictas pasturas de Selesete et de Birkwith cum omnibus pertinentiis et omnimodis aisiamentis que in eisdem fieri poterunt et haberi subtus terram et supra ut predictum est predictis monachis et eorum successoribus contra omnes homines warantizabimus acquietabimus et defendemus in perpetuum Pro hac autem donatione et presentis carte confirmatione dederunt nobis predicti monachi trecentas marcas pre manibus ad acquietandam terram nostram de Lonesdale de manibus Willelmi de Stutevile in nostra magna necessitate In cujus rei testimonium sigilla nostra presentibus sunt appensa Hiis testibus Jocelino episcopo Glascuensi Reynerio abbate de Melros Clemente capellano []