Charter Document - 06660024

Avicia de Loncastre sponsa Ricardi de Morevilla omnibus sancte matris ecclesie filiis tam futuris quam presentibus et omnibus hominibus suis salutem Notum sit vobis me consilio et concessu Willelmi heredis mei et aliorum heredum meorum concessisse et presenti carta mea confirmasse Deo et Sancte Marie Furneis et monachis ibidem Deo servientibus Neubi quam eis Walthevus filius Edmundi dedit cum omnibus pertinentiis suis in bosco et plano in pratis et pascuis in aquis et molendinis in viis et semitis in puram et perpetuam elemosinam per istas divisas scilicet a cruce juxta aquam de inter Clapaam et Neubi sicut cadit in Crokebec et de sicut Crokebec cadit in Wenningam et sicut Kesedene cadit in Wenningam et sic desuper Kesedene usque ad forestam Henrici de Laci et a foresta Henrici de Laci per medium de Brunemor et inde per Blabec sicut cadit in Wenningam et inde usque ad Westthrephou et de et de Westtherephou per le Standic et per Threfuderscales usque ad medium de Grenesscerres et insuper et desuper Neubi versus Ingelburch quantum poterunt animalia ire et eadem die redire Hanc terram scilicet Neubi cum omnibus pertinentiis suis et divisis prenominatis prefate abbatie concedo et confirmo in puram et perpetuam elemosinam liberam et quietam ab omni servitio et consuetudine et exactione pertinente ad me et ad omnes homines et ad quietato et warentizabo contra omnes homines Ego autem et heredes mei habebimus cervum et cervam et accipitres Pro hac autem confirmatione dederunt michi predicti monachi quater viginti marcas argenti His testibus Helia de Stiveton Thoma filio Suani Uctredo de Austwic Marsilio filio Michaelis Flamengi Gerardo de Sedberch Willelmo filio Walthevi et Ricardo et Hugone fratribus ejus Elia filio Willelmi de Depedale Gilleberto filio Hugonis Ada clerico de Burtona et multis aliis