Charter Document - 06660002
| Charter Number: | 06660002 |
|---|---|
| Cartulary Title: | The Coucher Book of Furness Abbey |
| Charter Language: | Latin |
| Charter Origin: | Lay |
| Charter Type(s): | Final Concord |
| Date: | 1203 - 1204 |
| Date type: | Internal, Regnal, Feast |
| Resource Link(s): |
|
Charter:
Hec est finalis concordia inter Willelmum de Mowbray et Adam de Stavelay scilicet quod predictus Adam recognovit prefato Willelmo totam forestam de Burton in Lonisdale cum pertinentiis liberam et quietam ita quod omnes bestie silvestres et omnes aves que alias aves capiunt remaneant prefato Willelmo et heredibus suis sine ullo retenimento imperpetuum Et sciendum quod predictus Willelmus de Moubray concessit predicto Ade et heredibus suis de dono suo quod capiat tantum leporem et wlpem cum canibus suis in predicta foresta Sciendum etiam quod predictus Adam quietam clamavit de se et heredibus suis predicto Willelmo et heredibus suis totam forestam de Mewyth in bosco et in pastura cum omnibus suis pertinentiis salvo rationabili esto verrio Ade et hominum suorum de Ingelton et duabus Bentham ad edificandum et comburendum capiendo per visum forestarii predicti Willelmi [et] salvo pannagio porcorum Ade et hominum suorum de tribus predictis villis et averia predicti Ade et hominum suorum de predictis villis ibidem ad pasturandum in eadem foresta ubicunque per diem sed pro nocte redibunt ad prefatas villas ut non remaneant nocte in eadem foresta ita tamen quod heredes predicti Ade de duabus Bentham habebunt in eadem foresta viginti equas tam per noctem quam per diem cum secta sua duorum annorum et calcabunt eas quando voluerint et capere per visum forestarii Et sciendum quod predictus Willelmus et heredes sui facient logias et vaccariis in eadem foresta de Mewith ubi voluerint salvo rationabili introitu et exitu a veriorum predicti Ade et hominum suorum ad pasturandum Et averia predicti Willelmi et hominum suorum de Burton communicabunt cum averiis predicti Ade et hominum suorum de predictis villis duarum Benthame extra blada et prata et remoto feno et blado communicabunt ubicunque cum prefatis averiis Preterea sciendum quod tres vaccariis scilicet Qwernsyd Souterskales et Burbladthwait remaneant prefato Ade et heredibus suis cum bosco pratis et pasturis et omnibus suis pertinentiis et heremitorium remanebit vastum ita quod nulla ibi erit nisi per licentiam Willelmi de Moubrai salvis boscis pratis et pasturis Ade et heredibus suis et predictus Adam nullam vaccariam vel legiam edificabit alibi quam in predictis tribus locis nec claudere pratum nisi pratum quod clausum fuit ante istam concordiam Furcas et fossatas quas Adam clamavit habendas in Selbergh quietas clamavit et relaxavit de se et heredibus suis quod nullas habebit Adam nec heredes sui imperpetuum Hiis testibus [] Facta Eboraci in festo Sancti Petri in cathedra anno regni regis Johannis quinto