Charter Document - 06650230
| Charter Number: | 06650230 |
|---|---|
| Cartulary Title: | The Coucher Book of Furness Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1210 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Henricus de Lancastre filius Warini concessu heredum meorum dedi et concessi et hac presenti carta mea confirmavi Deo et Beate Marie de Furneis et abbati et monachis ibidem Deo servientibus pro salute anime Willelmi de Lancastre et pro animabus Warini de Lancastre et sponse sue Mabilie parentum meorum et pro anima Ricardi Fitun patris sponse mee et pro salute anime mee et sponse mee Margar[ete] et heredum nostrorum et omnium antecessorum et successorum nostrorum dimidiam partem terre infra istas divisas Ex australi parte a capite del Mechesik per le stanraue usque in rivulum ex occidentali parte juxta terram Herberti le harpur et sic ascendendo per rivulum usque in Modersic qui descendit ex occidentali parte de Birkelei et sic versus aquilonem usque in Modersic inter Kerlingedimpel et Stanheved et sic versus orientem usque in Modersic de Ulvethueit et sic per le Modirsic usque ad predictum caput de Mekesik in excambio pro Muttunenikel in puram et perpetuam elemosinam liberam et quietam inperpetuum de me et heredibus meis ab omni consuetudine et seculari exactione et servitio tam forinseco quam alio in bosco et plano in madido et sicco in pascuis pratis et pasturis in viis et semitis et in omnibus aliis aisiamentis que infra predictam terram fieri vel inveniri poterunt Preterea concessi eisdem abbati et monachis habere inperpetuum viginti vaccas cum vitulis suis anniculis et quadraginta porcos liberos a pannagio viginti scilicet sues cum secta unius anni et alios viginti porcos et ubicumque villa de Fortun habet commune habebunt et monachi cum prenominatis averiis et capient in bosco de Fortun omnia necessaria ad edificandas domos in ipsa terra prenominata visu baillivi mei sine destructione bosci Ego vero et heredes mei post me warantizabimus hanc terram eisdem abbati et monachis in omnibus et contra omnes homines inperpetuum Preterea confirmo eisdem abbati et monachis in hac carta mea donationem Haldredi hominis mei de Fortun de dimidia alia parte predicte terre Et ut rata et stabilis inperpetuum perseveret presens scriptum sigilli mei attestatione munivi Hiis testibus Rogero abbate de Marisco Willelmo priore de Lancastre Roberto persona de Gairstang A persona de Halton Reginaldo de Chok Roberto filio Bernardi Paulino de Gairstang Roberto de Lancastre Johanne de Eskeout Jordano de Fortun Radulfo de Fortun A de Kaibal et multis aliis