Charter Document - 06650004

Universis Christi fidelibus hoc scriptum visuris vel audituris Adam de Berwyk filius et heres Ricardi de Berwyk salutem in Domino Noveritis me concessisse et presenti scripto meo confirmasse Deo et ecclesie Beate Marie de F[urnesio] et monachis ibidem Deo servientibus quod ipsi abbas et monachi et eorum successores et eorum homines proprii tam seculares quam conversi cum plaustris eorum et carectis et aliis quibuscumque vecturis rebus et possessionibus quibuscumque mobilibus cum licentia pasturandi et moram faciendi et pernoctandi quando necesse habuerint et voluerint liberum habeant ingressum transitum et egressum absque aliqua contradictione mei et heredum meorum imperpetuum per omnes terras meas infra comitatum Lancastrie et extra ita quod per me aut heredes meos sive per homines nostros vel aliquem ex parte nostra impedimentum molestiam aut gravamen nullo modo sustineant Adiciens etiam quod si per profundam usitate vie mollitiem vel per aliud aliquod impedimentum in via vel semita transitus inveniatur difficilis liceat eisdem abbati et conventui et eorum ministris cum plaustris et aliis rebus suis predictis secus viam ad aridum divertere et alia impedimenta si que inventa fuerint declinare et illac usque ad competentem vie sue locum transmeare exceptis bladis et pratis tempore [clauso Et si con]tingat quod a veri[] seu pecora cu[] abbatis et conventus [] in bladis et [] heredum meorum sue hominum meorum sine in paramento aut lesione dictorum a veriorum per visum legalium hominum ad hoc utrimque electorum emendabitur Et si averia et pecora dictorum abbatis et conventus a pastura eorum ad pasturam meam vel heredum meorum accesserunt sine dampno faciendo in bladis vel pratis nostris vel hominum nostrorum sine dampno vel in paramento reiactentur et si dampnum fecerint in bladis vel pratis emendabitur ut superius dictum est Volo et concedo etiam pro me et heredibus meis et assignatis quod predicti abbas et conventus et eorum successores imperpetuum de bosco meo imperpetuum omnia necessaria capiant ad reparationem plaustrorum caracterum et omnium aliarum vecturarum et rerum suarum quando necesse habuerint in eundo et redeundo per terras meas sine contradictione vel impedimento mei vel heredum meorum Et si contigerit aliquod animal vel pecus eorum infirmari animalia eorum cujus cumque generis sint sine contradictione mei vel heredum meorum sive assignatorum volo quod in pasturis meis in locis predictis pastu rentur et custodiantur donec melius se habuerint et ad propriam pasturam redire poterint competenter Et ut hec mea donatio stabilis et rata perpetuo perseveret presenti scripto sigillum meum apposui Hiis testibus dominis Ingramno de Gynes Alano de Caupland Matheo de Redman militibus [] Actum et datum in abbatia Furnesii kal Julii anno domini MCC nonagesimo tertio