Charter Document - 06650003
| Charter Number: | 06650003 |
|---|---|
| Cartulary Title: | The Coucher Book of Furness Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1290 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus hoc scriptum visuris vel audituris Rogerus de Mythop filius et heres Henrici de Mythop salutem in Domino Noveritis me concessisse et presenti scripto confirmasse Deo et ecclesie Beate Marie de Furnes abbati et monachis ibidem Deo servientibus quod ipsi abbas et monachi et eorum successores et eorum homines proprii tam seculares quam conversi cum plaustris eorum et carectis et aliis quibuscumque vecturis rebus et possessionibus quibuscumque mobilibus cum licentia pasturandi et moram faciendi et pernoctandi quando necesse habuerint et voluerint liberum habeant ingressum transitum et egressum absque aliqua contradictione mei et heredum meorum imperpetuum per omnes terras meas infra comitatum Westmerlandie ita quod per me aut heredes meos sive per homines nostros vel aliquem ex parte nostra impedimentum molestiam aut gravamen nullo modo sustineant adiciens etiam quod si per profundam usitate vie mollitiem vel per aliud aliquod impedimentum in via vel semita transitus inveniatur difficilis liceat eisdem abbati et conventui et ministris [cum plaustris] et aliis rebus suis secus viam ad aridam divertere et alia impedimenta si que inventa fuerint declinare et illac usque ad competentem vie sue locum transmeare exceptis bladis et pratis tempore clauso Et si contigerit aliquod animal vel pecus eorum infirmari animalia eorum cujus cumque generis sint sine contradictione mei vel heredum meorum seu assignatorum volo quod in pasturis meis in locis predictis pasturentur et custodiantur donec melius se habuerint et ad propriam pasturam redire potuerint competenter Et ut hec mea donatio stabilis et rata perpetuo perseveret presenti scripto sigillum meum apposui Hiis testibus domino Alano de Caupland [] Acta in abbatia Furnesii anno Domini MCC nonagesimo in vigilia Sancti Laurentii