Charter Document - 06640092
| Charter Number: | 06640092 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1312 |
| Date type: | Internal, A.D., Calendar, Episcopal |
| Resource Link(s): |
Durham Cathedral Archive - Cartulary III (f278v) |
Charter:
Ricardus permissione divina Dunelmensis Episcopus dilectis filiis Priori ecclesie nostre Dunelmensis et Decano ecclesie nostre prebendalis de Aukeland salutem graciam et benediccionem Cupientes at commissi nobis regiminis cura rite et tute agatur solliciteque custodie deputetur de vestris circumspeccione fidelitate et industria plenius confidentes vos conjunctim et divisim in nostris civitate et dioecesi Dunelmensi quam diu nos abesse contigerit nostros facimus et constituimus vicarios generales Et examinandi quarumcumque eleccionum in dictis nostris civitate et dioecesi de quibuscumque personis factarum negocia ac electos quoscumque in forma juris debita confirmandi et tam de criminibus et excessibus subditorum nostrorum clericorum et laicorum quam de vacacione beneficiorum quorumlibet ipsarum civitatis et dioeceseos et de hiis que circa ea necessaria fuerint vel opportuna inquirendi presentacionesque ad beneficia hujusmodi factas et presentatos ad eadem admittendi et ipsos instituendi in eisdem ac exequendi ulterius quod incumbit corrigendi reformandi et puniendi excessus crimina et defectus literas dimissorias sufficientes titulos habentibus in forma canonica concedendi in causis et negociis cognoscendis pronunciandi et exequendi ac faciendi et expediendi omnia et singula que ad officium Vicarii generalis de jure poterunt quomodo libet pertinere collacione omnium beneficiorum que occasione juris nostri patronatus seu temporis lapsus ad nostram collacionem pertinent aut in posterum pertinebunt nobis ipsis totaliter reservata vobis conjunctim et divisim concedimus ac transferimus in vos et vestrum quemlibet in solidum potestatem vices nostras cum potestate cujuslibet cohercionis canonice vobis in hiis et ea contingentibus conjunctim et divisim ut premittitur committentes Valete Data apud Alverton xxvi die Novembris anno Domini millesimo CCC duodecimo Et pontificatus nostri secundo