Charter Document - 06640090
| Charter Number: | 06640090 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1312 |
| Date type: | Assigned |
| Resource Link(s): |
Durham Cathedral Archive - Register II (f2v) |
Charter:
Excellentissimo principi et domino suo semper reverendo Domino Edwardo Dei gratia Regi Anglie illustri Domino Hibernie et Duci Aquitanie suus devotissimus capellanus Prior ecclesie Dunolmensis salutem in eo per quem reges regnant et principes dominantur Quia in instanti parliamento vestro apud Lincoln favente Altissimo celebrando corporali imbecillitate et aliis necessariis negociis nostri monasterii multipliciter inpediti non possumus personaliter interesse dilectos nobis in Christo fratrem H de Monte Alto nostri monasterii monachum et magistrum Johannem de Snainton clericum nostrum conjunctim et divisim nostros facimus procuratores at tornatos et nuncios speciales ad comparendum pro nobis in dicto parliamento coram vestra majestate ad tractandum vobis cum et cum ceteris regni vestri proceribus super contingentibus statum dicti regni et super aliis super quibus tractari conti gerit in dicto parliamento et ad consenciendum nomine nostro hiis que ibidem per consilium vestrum et ceteros regni pro ceres contigerint ordinari et ad facienda omnia et singula no mine nostro generaliter et specialiter sine quibus premissa non poterunt expediri et que nos faceremus si ibidem essemus personaliter presentes eciam si mandatum exigant speciale ratum et firmum habituri quicquid prefati procuratores nostri vel unus eorum nomine nostro fecerint vel fecerit in premis sis vestre celsitudini humiliter supplicantes quatinus nostram personalem absenciam in dicto parliamento vestro velitis habere favorabiliter excusatam et procuratores nostros predictos vel unum ipsorum nostro nomine benigne admittere ad premissa In cujus rei testimonium sigillum nostrum presentibus duximus apponendum Vestram majestatein conservet Altissimus ad regimen et gubernacionem populi sui feliciter per tempora prospera et longeva Data apud Dunolm