Charter Document - 06640081
| Charter Number: | 06640081 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1302 |
| Date type: | Internal, Calendar, Papal |
| Resource Link(s): |
Durham Cathedral Archive - Cartulary III (f183v) Durham Cathedral Archive - Cartulary III (f186r) |
Charter:
Bonifacius Episcopus servus servorum Dei dilecto filio Priori de Tynemuth Dunelmensis dioeceseos salutem et apostolicam benediccionem Conquesti sunt nobis Prior et Conventus ecclesie Dunelmensis ordinis sancti Benedicti quod Johannes dictus le hunter laicas Dunelmensis dioeceseos fratrem Ricardum de Kellau subpriorem non absque injectione manuum in eum Dei timore postposito temere violenta quodam equo ad ecclesiam ipsam spectantem nequiter spoliavit in ipsorum Prioris ac Conventus et ecclesie injuriam et jacturam Ideo que discrecioni tue per apostolica scripta mandamus quatinus si de hujusmodi manuum injectione tibi constiterit dictum sacrilegum tamdiu appellacione remota excommunicatum publice nunties et facias ab omnibus artius evitari donec super hiis satisfecerit competenter et cum tuarum testimonio litterarum ad Sedem venerit Apostolicam absolvendus Super aliis vero audiatis causam et appellacione remota debito fine decidas faciens quod decreveris per censuram ecclesiasticam firmiter observari Testes autem qui fuerint nominati si se gratia odio vel timore subtraxerint censura simili appellacione cessante compellas veritati testimonium perhibere Data Anagnie viii idus Junii pontificatus nostri anno nono