Charter Document - 06640079
| Charter Number: | 06640079 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1303 |
| Date type: | Internal, Calendar, Papal |
| Resource Link(s): |
Durham Cathedral Archive - Cartulary III (f184v) |
Charter:
Bonifacius Episcopus servus servorum Dei dilecto filio Abbati monasterii de Witeby Eboracensis dioeceseos salutem et apostolicam benedictionem Conquestus est nobis dilectus filius Ricardus de Hoton Prior ecclesie Dunelmensis ordinis sancti Benedicti qui per eleccionem canonicam Capituli ejus dem ecclesie ad ipsius ecclesie Prioratum qui major habetur dignitas preter Episcopalem in eadem ecclesia est assumptus quod cum ipse ex certis et sufficientibus gravaminibus predicte ecclesie per venerabilem fratrem nostrum Antonium episcopum Dunelmensem illatis ad Sedem Apostolicam appellasset et pro appellacione hujusmodi prosequenda ad sedem eandam accedere personaliter se pararet Walterus de Huffeton presbiter Rober de Langle Denham clericus Philippus Darci miles Hugo Darci Thomas de Kirketon laicus Lincolnensis dioeceseos ut eum in Dei prosecutione hujusmodi impedirent ipsum ausu sacrilego Dei timore postposito violenter capi fecerunt et carceri manciparunt et eum detinere captivum per unum mensem et amplius presumpserunt Ideoque discretioni tue per apostolica scripta mandamus quatinus si est ita dictos sacrilegos tandem appellacione remota excommunicatos publice nuncies et facias ab omnibus arcius evitari donec passo injuriam satisfecerint competenter et cum tuarum testimonio litterarum ad Sedem venerint Apostolicam absolvendi Data Laterani iiii idus Marcii pontificatus nostri anno octavo