Charter Document - 06640076
| Charter Number: | 06640076 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1298 |
| Date type: | Internal, Calendar, Regnal |
| Resource Link(s): |
Durham Cathedral Archive - Cartulary III (f219v) Durham Cathedral Archive - 2.2.Reg.6 |
Charter:
Edwardus Dei gracia Rex Anglie Dominus Hibernie et Dux Aquitanie omnibus ad quos presentes littere pervenerint salutem Considerantes per Dei graciam nos meritis et suffragiis sancti et gloriosi confessoris Cuthberti ad quem summam devocionem habemus jugiter in nostris actibus adjuvari et dignum censentes ipsum in terris in suis honorare ministris et eos respicere gratiis oportunis per donavimus dilectis nobis in Christo Priori et Conventui ecclesie Dunelmensis in qua ipsius Confessoris corpus sanctissimum requiescit mille et duodecim libras novem solidos undecim denarios et unum quadrantem in quibus nobis tenebantur ad Scaccarium nostrum tam de arreragiis medietatis quam quinte bonorum suorum quas nuper nobis in nostri subsidium concesserunt et que ab eis per summonicionem ejusdem Scaccarii exiguntur volentes quod prefati Prior et Conventus aut successores sui per nos vel heredes nostros occasione arreragiorum pecunie predicte de cetero non molestentur in aliquo seu graventur In cujus rei testimonium has litteras nostras fieri fecimus patentes Teste me ipso apud Dunelmum xii die Decembris anno regni nostri vicesimo septimo Per ipsum Regem nunciantibus Willelmo Coventr et Lich episcopo et J de Drokenessford