Charter Document - 06640075
| Charter Number: | 06640075 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1291 |
| Date type: | Internal, A.D., Calendar, Episcopal |
| Resource Link(s): |
Durham Cathedral Archive - Cartulary III (f293r) |
Charter:
Omnibus Christi fidelibus ad quos presens scriptum per venerit Antonius permissione divina Dunelmensis Episcopus salutem in Domino Noverit universitas vestra nos pro nobis et successoribus nostris concessisse et specialem licenciam dedisse dilectis in Christo filiis Priori et Conventui ecclesie nostre Dunelmensis emendi seu ex causa donacionis recipiendi a quocumque et ubicumque infra nostrum episcopatum usque ad triginta seu quadraginta marcatas terre vel annui reditus Ita tamen quod hujusmodi terram et redditum per visum seneschalli nostri vel Vicecomitis Dunelmensis qui pro tempore fuerint absque alicujus impedimento seu contradiccione libere ingredi valeant et suis usibus applicare et appropriare ac pacifice possidere Damus eciam et concedimus quibuscumque hujus modi terram vel redditum vendere seu donare volentibus ut ipsam terram vel redditum prefatis Priori in liberam puram et perpetuam elemosinam concedere valeant et conferre In [cujus] rei testimonium sigillum nostrum presenti scripto est appensum Data apud Alverton octavo idus Novembris anno Domini millesimo cc nonagesimo primo et consecracionis nostri octavo