Charter Document - 06640064
| Charter Number: | 06640064 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1249 |
| Date type: | Internal, A.D., Feast |
| Resource Link(s): |
|
Charter:
Excellentissimo domino suo Domino H Dei gratia illustri Regi Anglie Domino Hybernie Duci Normannie Aquitanie et Comiti Andegavie devotus suus Conventus Dunelmensis salutem et tam spontaneum quam debitum cum omni devocione et reverencia famulatum Regie excellentie vestre significamus quod Deum pre oculis habentes et regium honorem vestrum aspicientes venerabilem virum dominum Walterum de Kircam Decanum Eboracensem vobis et regno vestro fidelem et pernecessarium cui nichil obviat de canonicis institutis unanimi omnium nostrum voluntate et assensu invocata Spiritus Sancti gratia et aliis debitis solemnitatibus adhibitis in Episcopum et pastorem ecclesie Dunelmensis die mercurii proxime post festum Sancti Aelfegi anni gratie millesimi ducentesimi quadragesimi noni concorditer elegimus quem regie vestre sublimitati per venerabilem patrem nostrum dominum Bertramum Priorem Dunelmensem presentamus excellenti majestati vestre omni qua possumus devocione supplicantes quatinus divi vine caritatis intuitu et gloriosi confessoris Beati Cuthberti amoris optentu electioni nostre et electo regium assensum et favorem si placet benigne prestare dignemini Et in hujus rei testimonium has litteras nostras patentes vobis transmittimus Valeat regia excellentia vestra in Domino per tempora longiora