Charter Document - 06640056
| Charter Number: | 06640056 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1230 |
| Date type: | Internal, Calendar, Papal |
| Resource Link(s): |
Durham Cathedral Archive - Cartulary III (f160v) Durham Cathedral Archive - 2.1.Pap.38 |
Charter:
Gregorius Episcopus servus servorum Dei venerabilibus fratribus Archiepiscopo Cantuariensi et Episcopo Lincolnensi salutem et apostolicam benediccionem Cum sicut dilecti filii Capitulum Ecclesie Dunelmensis sua nobis peticione monstrarunt ipsi in prosequendo electionis negocium quam de Thoma Priore ipsius ecclesie celebrarunt gravia ut asserunt subierint onera expensarum fraternitati vestre per apostolica scripta mandamus quatinus expensas necessarias quas iidem propter hoc legitime se fecisse probaverint eis de bonis Episcopatus Dunelmensis postquam ipsi ecclesie fuerit de pastore provisum restitui faciatis contradictores per censuram ecclesiasticam appellacione postposita compescendo Quod si non ambo hiis exequendis potueritis interesse alter vestrum ea nihilominus exequatur Data Laterani kalendis Februarii pontificatus nostri anno tercio decimo []