Charter Document - 06640055
| Charter Number: | 06640055 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1239 |
| Date type: | Internal, Calendar, Papal |
| Resource Link(s): |
Durham Cathedral Archive - Cartulary III (f159r) |
Charter:
Gregorius Episcopus servus servorum Dei venerabili fratri Episcopo Lincolnensi salutem et apostolicam benediccionem Ex injuncti officii debito singulis ecclesiis debitores circa illarum curam diligentiores esse nos convenit que destitute pastorum gubernaculo dinoscuntur Hinc est quod cum Dunelmensis ecclesia vacet ad presens fraternitati tue per apostolica scripta mandamus quatinus eandem protegens personas monachorum clericorum et secularium officialium ejus indebite molestari eorumque bona invadi ab aliquibus non permittas molestatores et invasores hujusmodi persona Regis excepta monicione premissa per censuram ecclesiasticam appellacione postposita compescendo non obstante Indulgentia quam habere diceris ut de causis a Sede Apostolica tibi commissis cognoscere non tenearis invitus et constitucione de duabus dietis edita in Concilio generali dum modo ultra terciam vel quartam extra suam dioecesim aliqui ad judicium non trahantur Data Anagnie iii nonis Octobris pontificatus nostri anno tercio decimo