Charter Document - 06640049
| Charter Number: | 06640049 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1211 |
| Date type: | Internal, Calendar, Papal |
| Resource Link(s): |
Durham Cathedral Archive - Cartulary III (f162v) Durham Cathedral Archive - 3.1.Pap.5 |
Charter:
Innocencius Episcopus servus servorum Dei dilectis filiis de Girovall de Sancta Agatha Abbatibus et Officiali Archidiaconatus Richemundie dioeceseos salutem et apostolicam benediccionem Sua nobis dilecti filii Prior et Conventus Dunelmensis conquestione monstrarunt quod Archidiaconus Dunelmensis et quidam alii Dunelmensis dioeceseos super quibusdam legatis que bone memorie Philippus Dunelmensis episcopus ecclesie Dunelmensi reliquit in ultima voluntate injuriantur eisdem Ideoque discrecioni vestre per apostolica scripta mandamus quatenus partibus convocatis audiatis causam et appellacione remota fine debito terminetis facientes quod decreveritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint simili discrecione cessante appellacione cogatis perhibere testimonium veritati Quod si non omnibus hiis exequendis potueritis interesse duo vestrum ea nihilominus exequantur Data Laterani xvi kalendas Augusti pontificatus nostri anno quarto decimo