Charter Document - 06640046
| Charter Number: | 06640046 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1196 |
| Date type: | Internal, Calendar, Papal |
| Resource Link(s): |
Durham Cathedral Archive - Cartulary III (f153r) |
Charter:
Celestinus Episcopus servus servorum Dei dilecto filio magistro Philippo Dunelmensi electo salutem et apostolicam benediccionem Tam ex literis karissimi in Christo filii nostri Ricardi illustris Regis Anglie quam dilectorum filiorum nostrorum Prioris et Capituli Dunelmensis cognovimus manifeste quod bone memorie Hugone episcopo suo viam universe carnis ingresso ne Dunelmensis ecclesia pastore maneret diucius viduata idem Prior et Capitulum Dunelmensis convenire in simul procurarunt cumque invocata Spiritus Sancti gracia ad eleccionem procederent canonice faciendam in personam tuam vota sua unanimiter transtulerunt te sibi eligentes in patrem pariter et pastorem Credentes igitur firmiter et tenentes quod tuo studio et diligencia faciente Dunelmensis ecclesia tam in spiritualibus quam in temporalibus grata recipiet auctore Domino incrementa electionem istam de communi fratrum nostrorum consilio confirmamus et presentis scripti patrocinio communimus Nulli ergo omnino hominum liceat hanc nostre paginam confirmacionis infringere vel ei ausu temerario contraire Si quis autem hoc attemptare presumpserit indignacionem Omnipotentis Dei et beatorum Petri et Pauli apostolorum ejus se noverit incursurum Data Laterani idus Aprilis Pontificatus nostri anno quinto