Charter Document - 06640042
| Charter Number: | 06640042 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 |
| Date type: | Internal, Calendar, Regnal |
| Resource Link(s): |
Durham Cathedral Archive - 3.13.Pont.3 |
Charter:
Ricardus Dei gracia Rex Anglie Dux Normannie Aquitanie Comes Andegavie Archiepiscopis Episcopis Abbatibus Comitibus Baronibus Justiciariis Vicecomitibus et omnibus baillivis et fidelibus suis tocius Anglie Francis et Anglis salutem Sciatis nos dedisse et concessisse et presenti carta confirmasse karo consanguineo nostro Hugoni Dunelmensi Episcopo totum Comitatum Norhumbrie tenendum in vita sua de nobis et heredibus nostris et inde eum per ensem et annulum saisivimus et Comitem fecimus Reddendo nobis inde servicium quod antecessores sui Norhumbrie Comites antecessoribus nostris Regibus facere solent et debent Quare volumus et firmiter precipimus quod predictus Episcopus Hugo ipsum Cumitatum ita plene libere quiete et honorifice toto tempore vite sue habeat et teneat sicut nos ipsi in propria manu nostra habebamus et tenebamus in castellis et burgis et in portubus et dominicis maneriis et stagnis et molendinis et piscariis in pratis et pascuis in terris cultis et incultis in forestis et minariis argenti plumbi et ferri et in feodis et homagiis et serviciis et in wardis et eschetis baronum militum theinorum et drengorum ad predictum Comitatum ubicunque sint in Anglia pertinentibus et cum omnibus libertatibus et liberis consuetudinibus et placitis et querelis et omnibus aliis rebus ad coronam nostram pertinentibus Ita quod nullus baillivorum nostrorum inde se super ipsum vel baillivos suos intromittat Ipso vero episcopo Hugone decedente predictus Comitatus ad nos vel heredem nostrum revertatur Salvo tamen ecclesie sue et successoribus suis in episcopatu Dunelmensi manerio de Sadberga et wapentaco et feodis militum videlicet Thome de Amundevill et Petri Karrou et Godefridi Baart et heredum eorum que prius eis dederamus et carta nostra confirmavimus Testibus H Saresbiriensi episcopo Johanne comite Moret Ricardo comite de Clara Rogero le Bigot Willielmo de Sancto Johanne Johanne marescallo Willielmo marescallo Stephano de Longo Campo Data per manus Willielmi de Longo Campo Elyenis electi Cancellarii nostri apud Westmonasterium xxv die Novembris regni nostri anno primo