Charter Document - 06640040
| Charter Number: | 06640040 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1189 |
| Date type: | Internal, Calendar, Regnal |
| Resource Link(s): |
Durham Cathedral Archive - Cartulary I (f248r) |
Charter:
Ricardus Dei gracia Rex Anglie Dux Normannie Aquitanie Comes Andegavie Archiepiscopis et Episcopis Comitibus Baronibus Vicecomitibus et omnibus ballivis et ministris suis tocius Anglie salutem Sciatis nos dedisse et concessisse et presenti carta confirmasse Deo et beato Cathberto et ecclesie Dunelmensi et Hugoni Dunelmensi episcopo caro consanguineo nostro et successoribus ejus in puram et perpetuam elemosinam pro anima patris nostri et antecessorum nostrorum et pro salute nostra et heredum nostrorum et pro stabilitate et incremento regni nostri manerium nostrum de Sadberg cum wapentagio ad idem manerium pertinente et cum omnibus aliis rebus ad illud pertinentibus tam in hominibus quam in terris cultis et incultis in viis et semitis in pratis et pasturis in stagnis et molendinis in aquis et piscariis et servicium Petri Carou et heredum suorum de feodo unius militis de Setone et de Oveton et servicium Thome de Amundevyll et heredum suorum de feodo unius militis de Cotham et Treiford et servicium filii Godfridi Baard et heredem suorum de feodo duarum partium unius militis de Midelton et de Hertburn quas terras de nobis tenebant inter Tynam et Teysam cum omnibus aliis rebus ad predicta feoda pertinentibus in excambium pro servicio feodi trium militum quod Philippus de Kime de ipso Episcopo in Lyncolnsyr tenebat et pro feodo duorum militum quod Girardus de Canville de eodem tenebat et pro feodo unius militis quod Baldwinus Wac et filius Rogeri de Osevill ibidem de eodem tenebat Quare volumus et precipimus quod predictus H Dunelmensis episcopus et successores sui predicta duo feoda militum et duas partes feodi unius militis cum predicto manerio de Sadberg et wapentachio sicut predictum est teneant habeant et possideant libere quiete et honorifice cum omnibus rebus ad ea pertinentibus in bosco et plano cum socha et sacha et tol et theem et infangenethefe et cum omnibus aliis libertatibus et liberis consuetudinibus et cum placitis ad coronam pertinentibus sicut nos ipsi in propria manu nostra habebamus et sicut ipse episcopus habet et tenet alias terras suas et feoda militum in Episcopatu suo et ut tam ipse Episcopus quam successores sui disponant de hominibus et terris ad idem manerium pertinentibus ad libitum suum et voluntatem sicut de aliis hominibus et terris suis in eodem Episcopatu suo faciunt Hiis testibus Baldwino Cantuariensi Gualtero Rothomagensi et Johanne Dublinensi archiepiscopis Reginaldo Bathoniensi Hugone Lincolniensi Johanne Norwicensi Willelmo Wigorniensi Hugone Coventrensi Sefrido Cicestrensi Gilberto Roffensi Johanne Exoniense episcopis domino Johanne fratre domini Regis Willelmo de Mandville comite de Essex Roberto comite de Leicestre Hamelino comite de Waren Gualerano comite de Warewic Willelmo comite de Arundel Ricardo comite de Clare Willelmo comite de Salesbri Rogero Bigot et Willelmo Marescallo comite de Strigoil et data anno primo regni nostri decimo octavo die Decembris apud Gaitmonant per manum Willelmi de Longo Campo cancellarii nostri