Charter Document - 06640039

Urbanus Episcopus servus servorum Dei dilectis filiis Germano Priori et monachis ecclesie Dunelmensis tam presentibus quam futuris regulariter substituendis in perpetuum Monet nos apostolice sedis cui licet immeriti presidemus auctoritas pro statu omnium ecclesiarum provida circumspeccione satagere et ne malignorum rapinis vel molestiis exponantur apostolicum ipsis patrocinium impertiri Ea propter dilecti in Domino filii vestris justis postulacionibus clementer annuimus et prefatam Dunelmensis ecclesiam in qua divino estis obsequio mancipati sub beati Petri et nostra proteccione suscipimus et presentis scripti privilegio communimus in primis siquidem statuentes ut ordo monasticus qui secundum Deum et beati Benedicti regulam in ecclesia vestra noscitur institutus perpetuis ibidem temporibus inviolabiter observetur Preterea quascumque possessiones quecumque bona eadem ecclesia in presentiarum juste et canonice possidet aut in futurum concessione Pontificum largicione Regum vel Principum oblalacione fidelium seu aliis justis modis prestante Domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis ecclesiam sancti Cuthberti Dunelmensis cum omnibus pertinenciis suis ecclesiam de Elvet cum omnibus pertinenciis suis ecclesias de Pitindun de sancto Johanne [Merrington] de Acle de Billingham de Hessilden de Midlam cum omnibus pertinenciis suis ecclesias de Weremuth de Jarow Wivesto de Walesende de Bedlington cum omnibus pertinenciis suis Cellam de Sancta Insula cum capellis suis de Toedmuthe de Ancroft et Culei cum omnibus aliis pertinenciis suis ecclesiam de Norham cum capella de Cornehale et cum omnibus aliis pertinenciis suis Cellam de Coldingham et ecclesias de Berewic et de Fisewic et Edenham et Ederham et Cambus et Lambertun de Ercheldun et Smalhom cum omnibus pertinenciis suis ecclesias de Aluertun de Bruntuna de Houedena de Brentigham de Wellaton de Hemingeburg de Scipwid cum omnibus pertinenciis suis Cellam sancti Leonardi de Stanford et ecclesiam Sancte Marie in eadem villa cum quadam alia ecclesia et omnibus pertinenciis suis ecclesiam de Bliburc cum aliis quibusdam ecclesiis in Lindeseia et pertinenciis suis ecclesias de Biwell et de Edelingham cum omnibus libertatibus et pertinentiis suis partem Dunelmi quam ultra aquam possidetis villas quo de Elvete et de Sineclive duas Petinduns duas Reningtuns Ferie Merintun Acle Kettun cum omnibus libertatibus et pertinenciis suis duas Hesildene Bilingam Wlvestun cum terris adjacentibus et pertinenciis suis Weremuthe et Fulwell Jarow et Munketun Wivestun Hewrthes Waleshend Fennum cum libertatibus et pertinenciis suis Sane novalium vestorum que propriis manibus vel sumptibus colitis sive de nutrimentis vestrorum animalium nullus a vobis decimas exigere vel extorquere presumat Liceat quoque vobis clericos vel laicos e seculo fugientes liberos et absolutos ad conversionem recipere et eas absque contradiccione aliqua retinere Prohibemus insuper ne ulli fratrum vestrorum post factam in eodem loco professionem fas sit absque Prioris sui licencia nisi artioris religionis optentu de ipso discedere Discedentem vero sine communium literarum cautione nullus audeat retinere Inhibemus eciam ne cui liceat vobis et ecclesie vestre novas vel indebitas exactiones imponere aut suspensionis vel excommunicacionis seu interdicti sententiam in vos aut fratres per Cellas vestras constitutos sine manifesta et rationabili causa proferre Prohibemus quoque ne infra fines parochiarum vestrarum aliquis ecclesiam vel oratorium absque dioecesani Episcopi et vestro assensu edificare presumat Salvis tamen privilegiis Romane ecclesie Cum autem generale Interdictum terre fuerit liceat vobis et fratribus per Cellas vestras constitutis clausis januis non pulsatis campanis exclusis excommunicatis et interdictis suppressa voce divina officia celebrare Sepulturam preterea ecclesie vestre liberam esse discernimus ut eorum devocioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen justicia illarum ecclesiarum a quibus mortuorum corpora assumuntur Obeunte vero Episcopo qui ibidem pro tempore fuerit vel te nunc ejusdem loci Priore seu tuorum quolibet successorum nullus ibi qualibet subreptionis astutia seu violentia preponatur nisi quem fratres communi consensu vel fratrum pars consilii sanioris secundum Dei timorem providerint eligendum Preterea quicquid libertatis aut immunitatis vel specialis indulgencie vobis vel ecclesie vestre retroactis temporibus a nostris predecessoribus est indultum vel a vestris Pontificibus confirmatum sive a Regibus Anglorum et aliis principibus rationabiliter est concessum et hactenus observatum firmitatem perpetuam decernimus optinere Paci quoque et tranquillitati vestre paterna in posterum sollicitudine providere volentes auctoritate apostolica prohibemus ne quis infra fines domorum vestrarum furtum rapinamve committere ignem apponere hominem capere vel interficere seu aliquam violenciam temere audeat exercere Decernimus ergo ut nulli omnino hominum liceat prefatam ecclesiam temere perturbare aut ejus possessiones auferre vel ablatas retinere minuere seu quibuslibet vexationibus fatigare sed omnia integra conserventur eorum pro quorum gubernatione ac sustentacione concessa sunt usibus omnimodis profutura salva Sedis Apostolice auctoritate et dioecesanorum Episcoporum canonica justicia Si que igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo terciove commonita nisi reatum suum digna satisfaccione correxerit potestatis honorisque sui careat dignitate reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jesu Christi quatinus et hic fructum bone actionis percipiant et apud districtum judicem premia eterne pacis inveniant Amen