Charter Document - 06640021
| Charter Number: | 06640021 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1128 |
| Date type: | Assigned |
| Resource Link(s): |
Durham Cathedral Archive - Cartulary I (f71v) Durham Cathedral Archive - 2.1.Pont.1 Durham Cathedral Archive - Cartularium Vetus (f133r) |
Charter:
Ranulphus Dunelmensis Episcopus omnibus successoribus suis et parochianis et hominibus fidelibus sancti Cuthberti salutem et benedictionem Sciatis me reddidisse domino meo sancto Cuthberto et monachis ejus omnia que eis abstuleram postquam Episcopatum accessi scilicet oblacionem altaris et sepulturam cimiterii et terram ultra pontem Dunelmensem et Staindropam cum suis appendiciis et Bleikestunam et in Wlvestuna unam carucatam terre et Burdun cum solitis consuetudinibus et ecclesiam de Siggestun Hec et omnia alia tam in ecclesiis quam in villis et in terris et in aquis et in silvis et in planis et in omnibus aliis rebus unde saisiti et investiti erant die qua Episcopatum Dunelmensem accepi Sancto Cuthberto et monachis ejus super altare per unum annulum spontanea voluntate reddidi Concessi etiam Priori et eis ut ad disposicionem omnium rerum suarum infra ecclesiam et extra in omnibus liberam habeant facultatem ea dignitate libertate et honore et quietudine qua umquam melius et honorabilius hactenus habuerunt Testes Osbertus nepos Episcopi et R[ogero] et aliis