Charter Document - 06640012
| Charter Number: | 06640012 |
|---|---|
| Cartulary Title: | Historiae Dunelmensis Scriptores Tres [Durham] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1087 |
| Date type: | Assigned |
| Resource Link(s): |
Durham Cathedral Archive - Cartulary III (f69r) |
Charter:
In nomine Patris et Filii et Spiritus Sancti Amen Ego Willielmus rex Anglorum hereditario jure factus do et concedo et presenti carta confirmo Deo et sancto Cuthberto et Priori et monachis ibidem Deo servituris in perpetuam et puram elemosinam hoc regium manerium meum videlicet villam de Hemmyngburgh cum omni terra de Brachenholm et cum omnibus terris adjacentibus cum ecclesia ville predicte et cunctis rebas eidem pertinentibus in bosco et plano moris ac prato in silvis et paludibus aquis molendinis aut stagnis cum mere et mere et sac et socne et tol et team et infangenthef et omnibus rectis divisis ejus ita bene et quiete et libere cum rectitudinibus et omnibus consuetudinibus sicut unquam Sanctus Cuthbertus alias terras suas melius et quietius habuit cum omnibus consuetudinibus regiis et libertatibus quas ego habui in ipso dum illud post victoriam Anglie in manu propria tenui per easdem divisas quibus ego ipse seu ante me comites Tostius vel Siwardus ipsum manerium tenuimus Et si quis in posterum hanc donacionem meam irritare presumpserit a Domini consorcio separetur et condempnacione extremi judicii cum diabolo et angelis suis in perpetuum feriatur Amen Et ut hec donacio mea firma sit in perpetuum manu mea presentem cartam signo sancte crucis impressi et confirmavi Signum Willielmi Regis Anglie Signum Thome Eboracensis Archiepiscopi Signum Willielmi Dunelmensis Episcopi Signum Johannis Bathoniensis Episcopi Signum Osmundi Salesberiensis Episcopi Signum Baldwini Abbatis Sancti Eadmundi Signum Hugonis Comitis de Cestre Signum Earnoldi de Perceio Signum Roberti Dispensatoris Signum Morealis Vicecomitis Signum Gwidonis Abbatis Signum Rogeri Comitis Scrobesburiensis Signum Willelmi filii Regis Signum Roberti Comitis Northymbrorum Signum Ricardi de Curceio Signum Rodberti de Redveriis Signum Rodberti Bloet Signum Philippi filii Comitis de Cestre Signum Philippi filii Rogeri Comitis Signum Alani de Liconia Signum Rodberti capellani Signum Ranulphi clerici Regis Signum Mauricii capellani Signum Ricardi de Bundvilla Signum Rodberti de Hulmets