Charter Document - 06630013
| Charter Number: | 06630013 |
|---|---|
| Cartulary Title: | The Priory of St. Radegund, Cambridge |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1277 |
| Date type: | Internal, A.D., Calendar, Episcopal |
| Resource Link(s): |
Jesus College Cambridge Collections - (13) |
Charter:
Rogerus dei gracia Norweycensis episcopus dilectis in Christo filiis Abbatibus Prioribus Archidiaconis et eorum Officialibus Decanis Rectoribus Vicariis Capellanis parochis et aliis ac ceteris omnibus et singulis tam laycis quam clericis per Ciuitatem et Dyoecesis Norwyc constitutis salutem gratiam et benedictionem Quum in conspectu altissimi quam placida sit et acceptum ecclesias construere et constructas fovere in quibus laus Dei extollitur sanctorum honor excolitur et venia peccatorum postulatur ac Ecclesia sancte Radegundis Cantebrig Eliensis dioeceseos [vbi sanctimoniales Deo dedicate vigiliis oracionibus et ieiuniis ac aliis misericordie operibus nocte dieque in dei laudem et honorem insistunt] per Campanilis sui subuersionem et subitam ruinam tot et tantos patitur defectus quod nisi fidelium eleemosynis subueniatur eidem diuinum ministerium more solito [per paupertatem dictarum sanctimonialium prefatos defectus supplere non ualentium] honorifice et debito modo non poterit exequi in eadem Vobis mandamus in virtute obediencie firmiter iniungentes quatinus cum nuncii dictarum sanctimonialium ad vos venerint fidelium elemosinas petituri ipsos benigne admittatis negocium ipsarum per sacerdotes ecclesiarum parochianis vestris diligenter exponi facientes Et quod collectum fuerit ipsis fideliter et sine qualibet diminutione sub pena anathematis liberari faciatis Eo magis dictarum sanctimonialium negocium cordi nobis existit quod earum penuria non paucis innotescit Datum apud Hoxne v Kalendas maii anno gratia [M]CCLXX septimo Pontificatus nostri anno duodecimo