Charter Document - 06580001

Anno incarnationis Domini nostri Jesu Christi nongentesimo octogesimo septimo regnante ipso cum coeterno Patre et Spiritu Sancto perpetua majestate ego Æthelmer filius Æthelwerdi satrapa regis Æthelredi notum fore studui ipsius regie sub imitati hoc salubre meum consilium et archiepiscopo Dunstano et Ælfeago Wintoniensi episcopo et omnibus episcopis cunctisque sapientibus gentis Anglorum quod ego libere perpetua munificentia tribui illum locum qui vulgo Cernel nuncupatur cum possessionibus quas ei subjugo cuncta creanti Deo ad almi cuncti creantis laudem et ad honorem Maria genetricis Dei perpetua virginis ac sancti Petri principis apostolorum necnon et sancti Benedicti pro meo carissimo hero basileo Æthelredo et pro memetipso necnon et pro dilecta mihi animula mei genitoris et redemptione meorum præcedentium patrum qui propria colla sponte fidei Christiana subdiderunt suarum possessionum me heredem haud ingratum relinquentes Illud monasterium videlicet Cernel de quo præfatus sum primitus ditavi sicuti mihi largitus tunc dictavit sed post paucorum annorum spacia majoribus illud possessionibus Deo inspirante ampliavi largiens ei et fratribus inibi degentibus illam villam Cernel cum omnibus que ad eam pendent postquam ego mortali jure hoc seculum relinquam Hac etiam ratione concedo illam villam que Æscere dicitur cum cunctis eis adherentibus denique me in carne et post obitum perpetue has possideant quas modo nomino terras in illa villula que a ruricolis Minterne nominatur sex cassatos in Winceburnan decem mansas in Bridian sex in Ulteriore Brydian duodecim in Hremnescumbe tres Hec nostra dona augmentavit Leofricus clericus de Poceswylle donans spontanea largitate suam villam de Poceswylle cum possessiunculis fratribus predicti loci in adjutorium cum territoriis quod postea concessit eodem jure noster basileus Æthelredus coram testibus Ælfrithus etiam meus propinquus de Beuncumbe largitus est unum rus juxta Pydelan quatuor cassatos post dies Leofwini nostri propinqui Alfwoldus quoque in Blæewyrthe quinque mansas post sui conjugis obitum illi monasterio concessit Et ego mando in nomine omnipotentis Dei ut decime totius anni redditus in Cernel et Ceosolburnan præfato monasteriolo cum omni diligentia dentur quamdiu aura vitali alor et eque post metam labentis vite et ex meis reliquis ruribus mellis casei et pinguium porcorum decime similiter per omne ævum incunctanter præscripto loco adducantur Et ego volo ut illuc habitent servientes et vacantes Deo et hiis commodis utantur qui sanctam regulam beati Bene dicti vita et moribus teneant Qui locus et ejus habitatores Deo omnipotenti sint commendati Et sit eis liberum arbitrium secularem patronum ubi melius autumant sibi eligere Et insuper adjuro per nomen eterni judicis quemcumque superstitem derelinquo ut nequaquam præsumat hoc privilegium temere pervertere Sed caveat ipse et caveant valde oppido omnes iniqui raptores ne nostrum donarium aut suis dominiis vendicent aut avare minuant ut non cum impiis avaris et sceleratis rapacibus eterna animadversione in baratri incendiis crucientur Precor nunc obnixe ut quicumque fidelis illius loci res augmentare satagit multiplicet ei Christus Dominus eternas divitias