Charter Document - 06571001
| Charter Number: | 06571001 |
|---|---|
| Cartulary Title: | A Cartulary of Buckland Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1227 |
| Date type: | Assigned |
| Resource Link(s): |
|
Charter:
Notum sit omnibus Christi fidelibus tam presentibus quam futuris hoc scriptum visuris vel audituris quod ego Loretta comitissa Leycestrie dedi et concessi Deo et Beate Marie et Sancti Johannis Baptiste et beatis pauperibus domus hospitalis Jerusalem ad sustentacionem sororum de Boclaunde Deo servientium et ad inveniendum quendam capellanum fratrem in eadem domo qui cotidie et perpetuo missam in honore Beate Virginis Marie in majori ecclesia apud Bokland ad altare Beate Virginis celebret pro salute anime mee domini Roberti viri mei comitis quondam Leicestrie et pro salute animarum patris mei matris mee et omnium antecessorum et successorum meorum totam terram meam de Noteston et totam terram meam de Yvesford citra aquam et ultra aquam et lxiiij acras de dominico meo super Ruwedon et totam terram meam de Ridescot et de Hele et de Cherlecote et de Tunecote et de Bozeburn et totam terram quam tenet Philippus ad viam cum hominibus predictas terras tenentibus Et preterea centum acras de dominico meo in Fremesmore et boscum meum qui vocatur Ancwood et unum ferlingum ad Rottheye cum omnibus pertinentiis ejus in manerio de Toustok cum pasturis et omnibus aliis ad predictas terras pertinentibus Et preterea omnimodam communem inter gentem meam ubique libere et quiete habendam et possidendam in perpetuam et puram elemosinam sicut ulla elemosina liberius et quietius dari potest Et ut hec mea donatio futuris temporibus perpetue firmitatis robur optineat eam presentis scripti munimento cum sigilli mei appositione dignum duxi roborare Hiis Testibus Magistro Lamberto sub decano Walnei domino Philippo de Alben domino Rogero de la Cuche Ada filio Houdebrandi Magistro Umfrido canonico Cycestrensi Magistro Reginaldo de Mereston Willielmo capellano de Bukingeham Waltero clerico de Langeham Thoma clerico Gloucestrensi Nicholao de Wyleya et aliis