Charter Document - 06570009
| Charter Number: | 06570009 |
|---|---|
| Cartulary Title: | A Cartulary of Buckland Priory |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1186 - 1187 |
| Date type: | Internal, A.D., Papal |
| Resource Link(s): |
|
Charter:
Urbanus episcopus servus servorum dei dilectis filiis magistro et fratribus Jerusalem hospitalis salutem et Apostolicam benedictionem Justis petencium desideriis dignum est nos facilem prebere consensum et vota que a racionis tramite non discordant effectu prosequente complere ea propter dilecti in domino filii vestris postulationibus grato concurrentes assensu locum de Bokelanda in quo ecclesia beate Marie et sancti Nicholai sita est cum omnibus pertinenciis suis a karissimo in Christo filio nostro Henrico illustri Anglorum Rege vobis et domui vestre pia et perpetua largicione [concessum] sicut juste ac pacifice possidetis auctoritate vobis apostolica confirmamus et presentis scripti patrocinio communimus statuentes ut nulli omnino homini liceat hanc paginam nostre confirmacionis infringere vel ei ausu temerario contraire Si quis autem hoc attemptare presumpserit indignacionem omnipotentis Dei et beatorum Petri et Pauli apostolorum eius se noverit incursurum Dat Verona viij idus Junii