Charter Document - 06560010
| Charter Number: | 06560010 |
|---|---|
| Cartulary Title: | The Cartulary of Boxgrove Priory |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1185 - 1192 |
| Date type: | Assigned |
| Resource Link(s): |
British Library - Cotton MS Claudius A VI (f49r) |
Charter:
Universis in Christo fidelibus ad quos præsens scriptum pervenerit frater Thomas dictus abbas sancte Trinitatis Exaquii et ejusdem loci conventus salutem et in Domino orationes Ne in dubium veniant que geruntur usus habet et communis consideratio utilitatis exposcit ut scripture serie debeant annotari Inde est quod nos communi assensu capituli nostri in scriptum redegimus et præsenti carta confirmavimus conventionem quam in perpetuum tenendam fecimus priori de Boxgrava et aliis succedentibus ejusdem loci prioribus videlicet ut libere et absque contradictione liceat eis xv monachos habere in illo prioratu Et cum aliquis eorum defuerit per aliquem qui ab eis pro voluntate sua in monachum suscipiatur liceat adimplere predictum numerum Et si forte prior ejusdem loci moram fecerit de præfato numero adimplendo nos illum de nostris adimplebimus vel adimpleri cogemus Et si Deo donante ex incremento beneficiorum ejusdem ecclesie plures quam prædixi mus ibidem esse poterint similiter liceat priori quos voluerit libere in eodem loco recipere Nos vero si aliquem predictorum monachorum nisi fuerit subprior vel celerarius ad utilitatem ecclesie nostre conservandam necessarium cognoverimus prout nobis placuerit ad nos venire faciemus De cetero in ista carta confirmamus quod cartam quam prædecessor noster Petrus pie memorie fecit de eodem prioratu firmi ter et inconcusse tenebimus Hoc autem totum fecimus ad petitionem venerabilis Willielmi de sancto Johanne qui pro Dei amore et pro salute anime sue necnon et parentum et propinquorum suorum predictum prioratum fundavit et instituit et multa beneficia contulit que in carta sua confirmavit et in scriptis autenticis confirmari fecit Valete