Charter Document - 06560008
| Charter Number: | 06560008 |
|---|---|
| Cartulary Title: | The Cartulary of Boxgrove Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1193 - 1221 |
| Date type: | Assigned |
| Resource Link(s): |
British Library - Cotton MS Claudius A VI (f28r) |
Charter:
Sciant præsentes et futuri quod ego Robertus de sancto Johanne de voluntate et assensu domini Willielmi fratris mei dedi ecclesie sancte Marie et monachis de Boxgrava quatuor virgatas terre in Walborgetune cum mansuris et aliis pertinentiis videlicet quas tenuerunt Herbertus Rogerus Bato Robertus Bulere et Aluricus filius Alwini et acram terre quam tenuit Willielmus de Barra tenendas in perpetuam et liberam elemosinam ad sustentationem sexti decimi monachi in conventu de Boxgrava supplendi et perpetuo te mendicum ceteris quindecim qui prius ibi erant in servitio Dei pro salute mea et fratris mei et uxoris mee et uxoris sue et antecessorum meorum Et sciendum est quod si aliquis eorundem sedecim monachorum obierit vel ab eis inordinate discesserit infra tres menses loco illius regulari sua dispositione alium substituent quod misi fecerint dominus Halnaci locum vacantem adimpleri faciet rationabiliter Et ut firmiter teneatur hoc scriptum sigillo meo confirmavi Testibus his Philippo de Tresgoz et Willielmo filio ejus Thoma de Argenton Rogero Hay Radulfo de Kaismei Simone de Middelton Roberto de Colevile Roberto de Sartellei